Би? -1

Халуун нар шарсан зуны байдаг л нэгэн бүгчим өдөр. Хийх юмаа олж ядсан би амралтын өдөр Монголын радиогоор явдаг Америкийн дуу хоолой хөгжмийн нэвтрүүлгээс хуулж авсан хэдэн дуунуудаа эргүүлж тойруулоол сонсоод сууж байлаа. MTV үзэж чаддаггүй хүн энэ нэвтрүүлгээс сүүлийн үеийн дуунуудыг олж сонсдог байсын.

Хаалга тогшив.
Хөгжмөө жоохон суллаад очиж хаалгаа онгойлговол тэр, бас манай ангийн нэг охин 2 зогсож байсан. Банталт, барайлт. Падийзны үүдэнд гарч зогсоод нээх олон юм ч ярихгүй, өөр тийшээ мийшээ, хажуугаар өнгөрч байгаа хүмүүсийг харсан шиг. Би ч тэгээд нилээн бүрэг талдаа хүн болохоор юу байна гэхээс өөр юм ч дуугарсангүй.

Хичээл тарахын үед жоохон муудалцаад салсан ч байлуу даа. Хичээлийн дараа гэртээ ирж цайгаа уучихаад өдөржин орцонд нь эсвэл гэрт нь элдэв дээдийн юм чальчаад суучихдаг байсан би амарснаасаа хойш нэг ч очоогүй гээд бодохоор тийм л болж таарах гээдийн. Муудалцах ч гэж дээ ямар хэрэлдэх биш шалихгүй юмнаас аль нэг нь дуугаа хураагаал дахиж уулзалдаагүй тэр чигээрээ өнгөрсөн биз бодвол.

Тэр өөдөөс хараад, бид хоёр харин дэлгүүр лүү талханд явж байх замаараа танайхаар ордог юм билүү гэж бодоод, юу хийж байна энэ тэр гээд ойр зуурын юм ярьлаа. Миний сонсож байсан дууг сонсчихсон байсан, чи тэрийг сонсож байгаа юм уу гоё байгааз гээл... Lisa Loeb – Stay байсан шиг санагджийн.

Нээрээ тэр үед бид нар дэлгүүр лүү талханд явах гэж нэгнийгээ хүлээгээд бараг цаг болно, заавал хүнтэй л дэлгүүр орохгүй бол болдоггүй байсаншт шал мангар кэкэ. Гэрийнхэн нь талхаа хүлээгээд өлсөөл :р.
Тэр үед ямар хурдан ирээчээ, хаана яваад байгаан нтр гээд загиначих утас шөрмөс байсан биш, иртэл нь л хүлээнэ.
2 нөхөр ч бас талхаа аваагүй, замаараа надтай уулзаад бараг хагас цаг болсон байхаа.

Эргээд гэртээ орсон чинь уулзахыг хүссэн, удаан хүлээсэн хүнтэйгээ уулзаад аймар саначихсан байснаа мэдэрсэн.

.....